Атопиялық дерматит

Атопиялық дерматит (атопиялық экзема) – бұл созылмалы қабыну ауруы, терінің қызаруы, қатты қышуы және қабыршақтануымен көрінеді. Бұл ауру жұқпалы емес. Атопиялық дерматит көбінесе ерте жаста басталып, ересек жаста да жалғасуы немесе қайталануы мүмкін.

СЕБЕПТЕРІ

Аурудың пайда болуына эндогендік және экзогендік факторлар әсер етеді. Эндогендік факторларға тұқым қуалау, терінің жоғары реактивтілігі, ағзаның барлық биологиялық және функционалдық процестерінің бұзылуы жатады. Экзогендік факторларға эмоционалдық-психикалық қысым, химиялық қоспаларды қолдану, темекі шегу және т.б. жатады. Эндогендік және экзогендік факторлардың үйлесімі аурудың дамуына әкеледі.

Балаларда атопиялық дерматит әдетте тұқым қуалайды. Егер екі ата-ана да ауру болса, дерматиттің пайда болуының ықтималдығы 80% дейін артады.

СИМПТОМДАРЫ

Атопиялық дерматит өршу және ремиссия кезеңдерімен өтетін қайталанатын ауру болып табылады.

Бұл аурудың белгілері мыналар:

• қышу (көп жағдайда мойында, бет аймағында, буындарда, шынтақ және тізе ойыстарында, құлақтың сырғалықтарында және бастың шашты аймағында көрінеді);
• терінің құрғауы және қабыршақтануы;
• тершеңдік.

Симптомдар көбінесе түнгі уақытта көрінеді.

ДИАГНОСТИКА

Диагноз қою үшін тексеру мыналарды қамтуы мүмкін:

• анамнез жинағы;
• науқасты жалпы тексеру;
• аллергендерге сезімталдыққа арнайы тесттер өткізу.

ЕМДЕУ

Ауру қабыну болғандықтан, алдымен бірқатар қабынуға қарсы процедуралар жүргізіледі.

Сондай-ақ атопиялық дерматитті емдеуде қолданылады:

• сыртқы және жүйелі дәрі-дәрмекпен терапия;
• гипоаллергендік диета;
• теріге арнайы күтім;
• науқастың айналасындағы ортаны бақылау.

АСҚЫНУЛАР

• бактериялық инфекциялар (әсіресе стафилококктық және стрептококктық);
• эксфолиативтік дерматит;
• саңырауқұлақ және вирус инфекциясы;
• герпетикалық экзема.

ПРОФИЛАКТИКА

• қолайлы микроклиматты құру (бөлмедегі ауаның температурасын 23°С-тан жоғары емес және салыстырмалы ылғалдылықты 40-60% деңгейінде ұстау);
• гипоаллергендік диетаны сақтау;
• терінің құрғауына жол бермеу;
• стресстік жағдайларды болдырмау;
• бөлмені тұрақты түрде ылғалды тазалау, сондай-ақ барлық шаң жинау көздерін (кілемдер, кітаптар) жою;
• синтетикалық толтырғышы бар жастықты қолдану;
• көгеру микробтарының барлық ошақтарын жою;
• дене жүктемелерін шектеу (терлеуді азайту мақсатында).